heena rajput

સન્ની દેઓલ સાથે 'ઘાયલ વન્સ અગેઈન'માં દેખાશે અમદાવાદની હિના રાજપૂત

    વર્ષ ૧૯૯૦માં રીલિઝ થયેલી રાજ કુમાર સંતોષી નિર્દેશિત 'ઘાયલ'ની સિકવલ 'ઘાયલ વન્સ અગેઈન'નું પૂરજોશમાં શૂટિંગ ચાલી રહ્યું છે. ફિલ્મમાં સન્ની દેઓલ એન્કાઉન્ટર સ્પેશ્યાલિસ્ટની ભૂમિકા કરી રહ્યો છે.સન્ની આ ફિલ્મમાં મુખ્ય ભૂમિકા નિભાવવાની સાથે સાથે નિર્માણ અને નિર્દેશનની પણ જવાબદારી સંભાળી રહ્યો છે. ફિલ્મમાં સન્ની સિવાય સોહા અલી ખાન પણ મહત્વપૂર્ણ ભૂમિકા કરી રહી છે. સાથે મૂળ અમદાવાદની અને ગુજરાતી અભિનેત્રી હિના રાજપૂત પણ સન્ની દેઓલ સાથે આ ફિલ્મમાં જોવા મળશે.

     ફિલ્મ વિશે વાત કરતા હિનાએ કહ્યું હતું કે,'ફિલ્મમાં ચાર પરિવારની વાત કરવામાં આવી છે જેમાં એક પરિવાર મારો પણ હોય છે. સન્ની દેઓલ સાથે હીના રાજપુતના ઘણા એવા ચેલેન્જીંગ સીન છે જેને લઈને તે ઘણી જ ઉત્સાહિત છે. સન્ની દેઓલ વિષે હીના રાજપૂતે જણાવ્યું કે તેઓ એક સારા નિર્માતા, નિર્દેશકની સાથે સાથે એક સારા વ્યક્તિ પણ છે. તેઓએ એક સીન માટે ત્રણ દિવસ લીધા જેને જોઇને હું પ્રભાવિત થઇ ગયેલી કે તેઓ પોતાની ફિલ્મ પ્રત્યે કેટલી કાળજી રાખે છે. સોહાઅલી ખાન વિષે કહ્યું કે તે પણ વેરી ગુડ આર્ટીસ્ટ. આટલી મોટી અભિનેત્રી અને સ્ટાર હોવા છતાં તેમનો સ્વભાવ એકદમ મળતાવડો છે. મારૂ પાત્ર જે ફિલ્મમાં સન્ની દેઓની ખુબ નજીક છે. ફિલ્મ વિશે વાત કરું તો સ્ટોરી બહુ સેન્સેટીવ છે તેનાથી વધારે હું ફિલ્મ વિશે કશું કહીં ના શકુ.છેલ્લા બે મહિનાથી મુંબઈમાં ફિલ્મનું શૂટિંગ ચાલી રહ્યું છે અને આ વર્ષના અંત સુધીમાં તે પુર્ણ થઈ જાય તેવી શક્યતા છે'

     અભિનેત્રી હિના રાજપૂત છેલ્લે ગુજરાતી ફિલ્મ 'રમલી રીક્ષાવાળી'માં મુખ્ય ભૂમિકામાં જોવા મળશે. ફિલ્મ ગુજરાતની એક મહિલા રીક્ષા ડ્રાઈવરની રિયલ લાઈફ પર બની છે. આ ફિલ્મ માટે હિનાએ ખાસ રીક્ષા ચલાવવાની અને ફાઈટની ટ્રેનિંગ લીધી હતી.  

heena rajput

ઢોલીવૂડની કૃષ્ણ અને રાધાની જોડીઓ

હીના રાજપૂત – જન્માષ્ટમી મને ખૂબ જ પસંદ છે. કારણકે મુંબઈમાં મટકી ફોડના કાર્યક્રમમાં બહુ ગીરદી જામે છે જે મને જોવાની ખૂબ જ મજા પડે છે. અને સવારમાં અમારા ઘર પર બધા આખું ફેમીલી સાથે રહીને ભગવાન શ્રી કૃષ્ણની પૂજા કરીએ છીએ. આખો દિવસ ખૂબ એન્જોય કરીએ છીએ.  

heena rajput

‘રમલી રીક્ષાવાળી’ માં શહેરની સડકો પર રીક્ષા ચલાવતી જોવા મળશે - હીના રાજપૂત

    મૈયરમાં મનડું નથી લાગતું એક એવી ફિલ્મ જેણે ગુજરાતી ફિલ્મોમાં અલગ ભાત પાડી હતી. તે ફિલ્મના તમામ કલાકારો ફિલ્મની રીલીઝ બાદ ઘન જ ઉત્સાહમાં જોવા મળ્યા હતા. કારણ કે દર્શકો તરફથી તે ફિલ્મને સારો પ્રતિસાદ મળ્યો હતો. જેમાં એક કલાકાર હતી હીના રાજપૂત તેમનું કામ પણ વિવેચકોએ વખાણ્યું હતું. હમણાં ટૂંક સમય પહેલા જ તેઓ ભાવનગર તેમની ફિલ્મ ‘હરપાલદે શક્તિના અમર અજવાળા’ ફિલ્મના પ્રમોશન માટે આવેલા. ત્યારે મારી સાથે તેમની મુલાકાત થયેલી. હાલ તેઓ રમેશભાઈની ફિલ્મ ‘રમલી રીક્ષાવાળી’ માં પોતાનું નામ નોંધાવી ચુકી છે. તેઓએ અત્યાર સુધીમાં ઘણી બધી ગુજરાતી ફિલ્મોમાં પોતાના લાજવાબ અભિનય દ્વારા પોતાના ચાહકોને ખુશ કર્યા છે અને આ ફિલ્મમાં હીના રાજપૂત એક અલગ જ ગેટઅપમાં જોવા મળશે. અસલ જીંદગીમાં તેઓ સ્વભાવે એકદમ મળતાવડા છે જે તેમનો પ્લસ પોઈન્ટ છે. તેમની ફિલ્મ અંગે તેઓ પાસેથી જાણીએ તો વધુ મજા પડશે.

પ્ર – આપની ફિલ્મ અને પાત્ર વિષે કહેશો.

ઉ – નિર્માતા રમેશભાઈની આ ફિલ્મનું નામ ‘રમલી રીક્ષાવાળી’ છે જેમાં હું લીડ ભૂમિકા ભજવી રહી છું. આપણા જીવનમાં અમુક એવા કપરા સંજોગો આવતા હોય છે કે સ્ત્રીઓએ પણ કામ કરવા જવું પડે છે. આમ જો કે હાલના સમયમાં સ્ત્રીઓ કામ કરે જ છે પણ તે કામ તેમને પોતાની કાબેલિયતના આધારે મળેલા હોય છે. જેમાં તેઓ કાયદેસર રીતે જોડાયેલી હોય છે પણ અમુક એવા પણ રોજગાર હોય છે જે તેણે મરજી ન હોવા છતાં પોતાનું અને પોતાના પરિવારનું ગુજરાન ચલાવવા કરવું પડતું હોય છે. મારી પણ બસ આવી જ ભૂમિકા છે આ ફિલ્મમાં. જે રીક્ષા ચલાવી પોતાના પરિવારનું ગુજરાન ચલાવે છે.

પ્ર – તમને રીક્ષા ચલાવતા આવડતું હતું કે તમે શીખ્યા?

ઉ – ના ના ના, મને રીક્ષા ચલાવતા નહોતું આવડતું પણ મારે આ ફિલ્મમાં રીક્ષા ચલાવવાની હોવાથી હું અત્યારથી જ રીક્ષા ચલાવવાનું શીખી રહી છું. મને આ ફિલ્મ મળી છે તો હું સાબિત કરવા માગું છું કે ગુજરાતી ફિલ્મોની હિરોઈનો ફક્ત ઝાડ ફરતે આંટા લગાવતી જ નહિ જોવા મળે. મને જયારે ફિલ્મના નિર્માતા રમેશભાઈનો ફોન આવ્યો અને તેમણે મને ‘રમલી રીક્ષાવાળી’ ફિલ્મ બનાવવાની વાત કરી અને તેઓ મને લીડ રોલમાં લેવા માંગતા હતા. તો ત્યારે જ મે ફિલ્મ વિષે હા પાડી દીધી કે આવું પાત્ર તો ક્યારેક જ ભજવવા મળે છે. આ પાત્ર મારૂ દરેક ફિલ્મ કરતા અલગ હશે અને આ ફિલ્મમાં હું એક નવા જ અવતારમાં જોવા મળીશ.

પ્ર – ગુજરાતી ફિલ્મોમાં હિરોઈનોને કેન્દ્રમાં રાખીને ફિલ્મો કેમ નથી બનતી?

ઉ – તે જ મોટો સવાલ છે કે જો હિન્દી ફિલ્મો મહિલાઓને કેન્દ્રમાં રાખીને ફિલ્મો બનાવી શકતા હોય તો આપણે કેમ આટલા પાછળ છીએ. આવી ફિલ્મો પહેલા ગુજરાતીમાં બનતી હતી જેમાં ત્યારના કલાકારોએ જાનદાર અભિનય થાકી તે ફિલ્મોને ગુજરાતી ફિલ્મોના ફલક પર બેસાડી દીધી. હવે આવા રોલ બહુ ઓછા લખાય છે જે એક દુખની વાત છે.

પ્ર – દિવાળી કેવી રોતે ઉજવો છો?

ઉ – દુનિયાના બધા લોકોની દિવાળી રંગીન જ હોય છે પણ મારી દિવાળી તો અનેક રંગોથી ભરપુર હોય છે. રંગો એટલે સંબંધોના રંગ જે આપણે એકબીજા માટે જાળવીએ છીએ. દિવાળીમાં મને મારા ઘરનું ડેકોરેશન કરવાનો શોખ છે. ફટાકડા હું બહુ ઓછા ફોડું છું અને સ્વીટ ખાવાનું મને વધારે ગમે છે.

n  ગજ્જર નીલેશ